Puerta Sur “Azabache”

Novembro 24, 2020

O encanto que asociamos aos concertos no Náutico de San Vicente do Mar (O Grove) non é só unha cuestión de ter artistas populares a só uns metros e a carón da praia. A verdadeira maxia é descubrirmos outras propostas e sermos testemuña dos encontros entre artistas. Estas ocasións nas que se ven, se escoitan e mesmo improvisan algo nun clima relaxado, porque nunca se sabe cando xorde a química do talento e a inspiración. O que non é nada habitual, aínda, é atopar discos gravados alí mesmo.

Mais velaquí o froito discográfico dunha desas colaboracións, a da base rítmica que acompañaba a Jorge Pardo, grande referente na mestura do jazz e o flamenco entre outros estilos, e o vibrafonista que estivera alí tocando a noite anterior. Este, Ton Risco; aqueles, Dani Domínguez (batería) e Joan Masana (contrabaixo), músicos con cadansúa traxectoria individual que presentan agora un proxecto que parte coa singularidade da súa instrumentación e se basea na liberdade do jazz e a querenza polo flamenco, aínda que desde un certa distancia, a de dous galegos e un catalán.

“Azabache” conta coa colaboración especial de quen os xuntou: Jorge Pardo, á frauta e na composición dos temas que abren e pechan o álbum. Das outras autorías, tres pertencen a Risco e unha a Domínguez, pero agasallan tamén unha versión notábel do mítico “Alfonsina y el mar”. Xuntos achegan outro xiro de porca ao diálogo entre jazz e flamenco do que o seu “alcahuete” Pardo é figura imprescindíbel. Este exercicio de liberdade musical e bo gusto, con pezas tan engaiolantes como a que o titula, non desmerece nin un chisco canda o seu “padriño”.

Pepe Cunha, 25-novembro-2020

1. Moropop
2. Azabache
3. La Solera
4. Octubre
5. Alfonsina y el Mar
6. Coma quen non está
7. Náutico

Produción executiva de Puerta Sur e Luneda Producións, a fotografía é de Pixelín Photo e o deseño de Iskoö.

AXENDA

Facebook

1 hour ago

Ábrete de orellas
⏰ 𝗛𝗼𝗿𝗮𝗿𝗶𝗼𝘀 𝗥𝗲𝘃𝗲𝗻𝗶𝗱𝗮𝘀 𝟮𝟬𝟮𝟰 ! 🎶📆 Estabades ansiosos por eles e aquí os tedes 👈📝 Estes serán os horarios dos concertos do #Revenidas2024 👈🔴 Tanxugueiras ⚫ Dubioza Kolektiv 🔵 La Pegatina🔴 Fillas de Cassandra⚫ Narco 🔵 Talco 🔴 Balkan Paradise Orchestra⚫ Lontreira🔵 Loita Amada🔴 Serial Killerz⚫ ETS (En Tol Sarmiento)🔵 El Kanka🔴 Lendakaris Muertos ⚫ Guadi Galego🔵 The Rapants ⚫ Mafalda - ÚLTIMO CONCERTO EN GALICIA🔵 La Fúmiga🔴 Lágrimas de Sangre - ÚNICO CONCERTO EN GALICIA ⚫ Caamaño & Ameixeiras🔵 Los Niños Jesús 🔴 Vértebras⚫ The Tytes 🔵 Miss Bolivia🔴 Muchachito Bombo Infierno⚫ Xavi Sarriá - ÚLTIMO CONCERTO EN GALICIA🔵 Trashtucada🔴 Rebeliom do Inframundo - CONCERTO ESPECIAL⚫ Dakidarría 🔵 De Ninghures - CONCERTO VIBRA MAHOU🔴 Catuxa Salom - CONCERTO VIBRA MAHOU⚫ Uxía Lambona e a Banda Molona 🔵 García MC 🔴 Muyayo Rif⚫ La Duendeneta 🔵 La Yaya Dj 🔴 Mekanka Rolling Band🎟️ Merca xa o teu abono ou a túa entrada de día, antes de que muden de prezo o próximo martes día 3 de setembro, en www.revenidas.com 👈🐟 #Revenidas 2024 do 12 ao 15 de setembro en Vilaxoán 🎶#Revenidas #Vilaxoán #DeputaciónDePontevedra #XuntaDeGalicia #RíasBaixasFest #Galicia #RíasBaixas #Xacobeo #OFestivalDasLinguas #VibraMahou #PacoLola #Sonen Concello Vilagarcía de Arousa Deputación Pontevedra Turismo Rías Baixas Cultura de Galicia Xunta de Galicia Turismo de Galicia Camino Xacobeo Vibra Mahou Deleite Gadis PACO & LOLA Alma Atlántica Arehucas ... See MoreSee Less
Ver en Facebook