nota:
KIM LENZ
“Se Elvis fora muller, probablemente tería soado como Kim Lenz”. Palabras da edición estadounidense de Rolling Stone que se cadra ignoren o próxima que a compositora, cantante e guitarrista estivo sempre das pioneiras do rockabilly. Porque cómpre lembrar que Kim Lenz, internacionalmente recoñecida como a raíña do rockabilly, compartiu escenario con Wanda Jackson e Janis Martin, recuperou xoias escuras da SUN como o Ten Cats Down de The Miller Sisters e compuxo e produciu case a totalidade do seu repertorio demostrando un basto coñecemento da música de raíz americana.
Deste xeito, escoitar o seu quinto álbum recén publicado Slowly Speeding achéganos tamén ao blues e ao country sen esquecer o rockabilly, polo que en 2015 The Ameripolitan Music Awards lle otorgou o galardón á mellor artista feminina do xénero.
Enganchada a compoñer cancións dende oque debutara con 20 anos co seu grupo Rocket Rocket, Kim Lenz non tardou en publicar o seu primeiro Ep coa axuda de Deke Dickerson. Un artefacto que chamou a atención de HighTone Records, cuxo presidente non dubidou en fichala.
Compartindo escuadra con Dale Watson xa como Kim Lenz & The Jaguars, a banda xirou por todo o mundo formando parte do cartel de festivais fundamentais da escena como o Viva Las Vegas ou a Rockin Race Jamboree.
THE RHUM RUNNERS
The Rhum Runners son seis músicos portentosos que combinan rock´n roll cos grooves asiáticos e caribeños, facendo de cada un dos seus directos unha festa prodixiosa de alta voltaxe.
A banda franco-belga dedicada á música exótica dos anos 50 e 60, naceu en 2012 e con varios traballos ás súas costas no prestixioso selo Doghouse&Bone, percorre dende entón os escenarios dos festivais internacionais máis destacados -sucando mares de norte a sur, dende San Petersburgo a Málaga- para, como estes autodenominados mariñeiros din, “destilando o seu propio ron, soprando ata poñer a pista de baile ben quente e partindo cara á festa!”.
