O 25 de xaneiro nace o Festival Músicas para a Semente.

Xaneiro 15, 2015

nota:

O domingo 25 de xaneiro terá lugar no auditorio de Narón (praza de Galicia) ás seis da tarde o festival “Músicas para a Semente”. Actuarán o músico Xabier Díaz e os grupos “os dous de sempre + 1” e “Vai rañala meu”, todos eles artistas da comarca de Ferrolterra. O escritor Antón Cortizas e unha curtametraxe completarán a xornada. O diñeiro recibido será para financiar o centro educativo Semente que abrirá as portas na nosa Comarca o vindeiro curso.

O festival “Músicas para a Semente” vén para quedarse. No seu primeiro ano quer apoiar e darlle voz á música nacida en Ferrolterra e todo tipo de expresións artísticas: proxectarase unha curta feita por alumnos do CEIP San Xoan Filgueira que promove a lingua galega e vén de recibir premio “Escola” no XIX Festival de cine internacional de Ourense , Antón Cortizas contará unha historia e sortearase entre as persoas asistentes unha obra do artista Leandro Lamas.

A Asociación Cultural Semente Trasancos destinará o recaudado ao proxecto das escolas de ensino galego Semente en Ferrolterra pasando, unha vez aberta, a conformar parte da Rede de Escolas Semente xunto coa de Vigo e Compostela. Esta última leva funcionando tres anos con grande éxito.

As entradas están á venda na tenda de xoguetes didácticos “O muíño do Fabal” en Narón e na Fundaçom Artábria en Ferrol cun custe de dez euros. Ademais a partir das 17:30 do domingo 25 o auditorio abrirá as súas portas con actividades previas aos concertos.

As prazas son limitadas.

AXENDA

Facebook

2 hours ago

Ábrete de orellas
Xa case está completado o micromecenado do libro ilustrado Galicia MusiCalidade.Aínda estades a tempo de participardes, pois o prazo foi ampliado até o 1 de marzo.Unha curiosidade: o director orelludo encargouse do prólogo en galego e castelán, pois o libro aparecerá en dúas edicións.🎶📘 “#Galicia MusiCalidade”, un libro ilustrado, accesible y cautivador sobre la música contemporánea gallega para amantes de la música y quien se esté iniciando en la escena.Disponible en castellano o gallego. ¡Paséate por esta tierra de acordes! 👉 vkm.is/musicalidade ... See MoreSee Less
Ver en Facebook