nota:
Cantos na Maré volve con máis folgos que nunca e vontade de seguir reforzando relacións cos territorios presentes no festival. Este ano irmandámonos de novo con Portugal, Brasil e Guinea Bissau, facendo da lingua a nosa chave para abrir as portas do mundo, como dixo Manuel María, homenaxeado nas Letras Galegas de 2016. O 16 de xaneiro espéranos un concerto único con Alceu Valença, Jorge Palma, Thaïs Morell, Karyna Gomes, Fran Pérez, NARF e Uxía. Cada edición supón unha nova ilusión por poder mesturar artistas consagrados con novos descubrimentos e que os días de convivencia sirvan para que músic@s tan singulares e divers@s creen xunt@s. De novo, baixo a dirección artística de Uxía e a dirección musical de Paulo Borges.
