nota:
Pablas Jazz: guitarra; Álex Troya: saxo; Evaristo Frieiro: baixo, contrabaixo; Marco Mendoza: percusión.
Nace como desexo de integrar unha formación de longo percorrido tras esporádicos concertos e experiencias musicais de curta duración dos seus compoñentes. Os piares do grupo dende o primeiro día radican en buscar un repertorio alternativo que amose a riqueza e a variedade do jazz menos “habitual” incluíndo recursos orquestrais modernos como a guitarra fretless con sustainer , efectos, loopers e sonoridades máis propias doutros xéneros como o rock progresivo. Todo isto co obxectivo de preservar sempre o factor sorpresa e o engado do imprevisible como fíos conceptuais dun concerto que pretende mante-lo público no aire e dentro dunha atmosfera única.
