nota
A Casa das Crechas acolle o concerto de Juraj Dufek e Miroslava Dufekova, unha parella de gaiteiros eslovacos que están de xira pola Península. Juraj Dufek está considerado un dos mellores gaiteiros do mundo.
Dufek é un gaiteiro e construtor de gaitas de Eslovaquia. Compoñente de grupos folk eslovacos Keltieg, Safran, Banda, Folk and Bass Orchestra, tamén traballa co grupo nacional de baile e música tradicional (SLUK). Foi fundador da primeira banda de gaitas eslovacas, Spojené huky Slovenska (Roncóns Unidos de Eslovaquia). Neste concerto presentarán xunto coa súa esposa Miroslava unhas pequenas mostras da riqueza de música tradicional do seu país, do corazón de Europa. Música instrumental con varios tipos de gaitas, frautas e violín, cantos rituais e bailes populares.
O día anterior esta parella ofrecerá un relatorio nas III Xornadas arredor da Música Tradicional que teñen lugar na Casa das Campás en Pontevedra. Unha cita chea de contidos na que intervirán músicos, etnomusicólogos e estudosos da música tradicional chegados dende distintos puntos do mundo que nos ofrecerán conferencias, presentacións de traballos, concertos…
Juraj Dufek – gaitas, frautas, voz
Miroslava Dufeková – violín, gaita, voz
