nota:
UXÍA E JOAO GENTIL
Estes dous artistas únense para recrear repertorio para acordeón e voz. Logo da xira de Uxía por Portugal na que celebrou os seus 30 anos na música, a afinidade e a pasión comúns uniunos nun novo proxecto que presentan por primeira vez na Casa das Crechas.
João Gentil (Cantanhede, 1980) é un virtuoso acordeonista portugués criado en Suíza. Uxía ten unha voz fermosa e serena que fuxe do virtuosismo exhibicionista e se fai transparente, para amosarnos unha artista madura, que comprendeu que non hai nada máis sofisticado que o esencial e que a voz é o único instrumento que nunca minte.
