Ute Lemper
Sin duda una de las visitas de la temporada serán los conciertos de UTE LEMPER a Santiago y Vigo en febrero con su espectáculo dedicado a los poemas de amor de Pablo Neruda.
14 febrero | Santiago de Compostela | Auditorio Novagalicia Banco | Entradas a la venta en Entradas Novagalicia Banco
15 febrero | Vigo | Centro Cultural Fundación Novacaixagalicia | Entradas a la venta en Servinova
Ute Lemper
Sin duda una de las visitas de la temporada serán los conciertos de UTE LEMPER a Santiago y Vigo en febrero con su espectáculo dedicado a los poemas de amor de Pablo Neruda.
14 febrero | Santiago de Compostela | Auditorio Novagalicia Banco | Entradas a la venta en Entradas Novagalicia Banco
15 febrero | Vigo | Centro Cultural Fundación Novacaixagalicia | Entradas a la venta en Servinova
A artista alemá presenta en Galicia o seu último disco
Xa están dispoñibles as entradas para as dúas actuacións que a recoñecida artista Ute Lemper dará en Galicia o vindeiro mes de febreiro. Nun directo de gran nivel, a cantante presentará o seu último disco “Forever: the love poems of Pablo Neruda”. Neste traballo, a solista alemá rende homenaxe á obra que o poeta chileno Pablo Neruda escribiu durante o seu exilio.
O primeiro dos concertos será o venres 14 en Santiago ás 21:00 horas, no Auditorio Novagalicia Banco, situado na rúa Preguntoiro nº 8. Os puntos de venda das entradas son o despacho de billetes do Teatro Principal, a Reixa Tenda, o Kunsthalle Compostela e a través de novagaliciabanco.es. O prezo anticipado é de 25 euros para o patio de butacas e primeiro anfiteatro, mentres para o segundo anfiteatro é de 20 euros.
Ao día seguinte, o sábado 15 de febreiro, Ute Lemper actuará en Vigo. O directo será no Centro Cultural Fundación Novacaixagalicia, a partir das 21:00 horas. Os billetes están dispoñibles en servinova.com, en centralespectaculos.com e a través do teléfono 902 504 500. O seu prezo vai de 24 a 40 euros, en función da situación las localidades.
Ute Lemper
Vanguardista e ecléctica, Ute Lemper naceu en Münster en 1963. Estudou piano, canto e ballet na Academia de Danza de Colonia, ademais de teatro clásico no prestixioso Seminario Max Reinhardt de Viena.
Comezou a cantar moi nova en bares de jazz e como integrante do grupo punk The Panama Drive Band. En 1983 participou na producción vienesa do afamado musical Cats e dous anos despois protagonizou a comedia musical Peter Pan en Berlín. Foi o papel de Sally Bowles na producción francesa de Cabaret a que lle valeu o premio Molière á mellor actriz.
O éxito chegou acompañado tamén de críticas no seu país natal pola súa interpretación na obra O Anxo Azul. Foi entón cando Ute Lemper se traslada a vivir a Nova York e protagoniza varias composicións de ballet orixinais. En 1990, trala caída do Muro, participa con Roger Waters en The Wall Live in Berlin. A partir de entón, a artista fixo diversas aparicións en películas, en papeis máis ou menos relevantes.
Malia extensa traxectoria como bailarina e actriz, a faceta que lle outorga un maior recoñecemento é a de cantante. Famosa polas súas interpretacións de composicións de Kurt Weill e grandes nomes como Marlene Dietrich, Édith Piaf e Lotte Lenya. Lemper tamén colaborou con numerosos cantantes e compositores estadounidenses e europeos, entre os que destacan Michael Nyman, Tom Waits, Scott Walker, Elvis Costello, Philip Glass ou Nick Cave. O seu eclecticismo fai que ademais de danza, teatro e música, Ute Lemper teña realizado varias exposicións de pintura.
ENTRADAS: A Reixa Tenda, despacho de billetes do Teatro Principal (de martes a sábado, de 18:00 a 21:00 horas), Kunsthalle Compostela e novagaliciabanco.es
PREZO: 25 euros patio de butacas e primeiro anfiteatro, 25 euros segundo anfiteatro
