Últimos días para inscribirse na décima Feira Ecolóxica de Arzúa

Setembro 17, 2013

Remata o prazo de inscrición na X Feira Ecolóxica de Arzúa, que se celebrará os días 5 e 6 de outubro.

O vindeiro venres día 20 de setembro finaliza o período establecido para que as e os expositores que así o desexen poidan presentar os seus produtos e servizos ecolóxicos, de artesanía e/ou terapias naturais na que será unha nova edición da meirande feira ecolóxica de Galicia.

Deste xeito, e ata o vindeiro venres día 20 de setembro, todas aquelas e aqueles interesados en dar a coñecer os seus produtos e servizos na décima Feira Ecolóxica de Arzúa poden facelo. Para entraren na convocatoria deberán cubrir o formulario de contacto que atoparán na web www.terractiva.org se ben, poden tamén contactar a través do enderezo de correo info@terractiva.org para solicitar información.

A Feira Ecolóxica cumpre dez anos, dez anos nos que a vila coruñesa se convertiu nun referente non só galego senón tamén estatal á hora de tomarlle o pulso ao sector “verde”. O público que asista terá ao seu dispór ducias de postos de diversos produtos e servizos naturais, poderá ver cales son as principais novidades no eido ecolóxico e, como non, terá tamén acceso aos produtos locais que as e os feirantes do 8 e o 22 levan décadas promovendo.

Arzúa será de novo a capital galega da ecoloxía na primeira fin de semana de outubro e serao nunha edición especial como é a décima. Punto de encontro de artesáns, consumidores, produtores e público, a Feira Ecolóxica arzuá converterase un ano máis no viveiro das últimas novidades e formas de vida máis respectuosas coa contorna e cos seus habitantes.

Arzúa organiza a súa décima Feira Ecolóxica os días 5 e 6 de outubro

Os vindeiros días 5 e 6 de outubro celebrarase en Arzúa unha nova edición da maior feira ecolóxica de Galicia. Así, o Concello arzuán decidiu apostar un ano máis polos produtos naturais, os máis innovadores, as terapias alternativas e polas produtoras e produtores locais -das feiras do 8 e 22- que
encherán o Recinto Feiral Terra do Queixo por décimo ano consecutivo. Ademais, as e os expositores poden xa enviar a súa inscrición para participar na Feira.

O Concello de Arzúa está de celebración. Os próximos días 5 e 6 de outubro a súa Feira Ecolóxica cumpre dez anos, dez anos nos que a vila coruñesa se convertiu nun referente non só galego senón tamén estatal á hora de tomarlle o pulso ao sector “verde”. O público que asista terá ao seu dispór ducias de postos de diversos produtos e servizos naturais, poderá ver cales son as principais novidades no eido ecolóxico e, como non, terá tamén acceso aos produtos locais que as e os feirantes do 8 e o 22 levan décadas promovendo.

Arzúa será de novo a capital galega da ecoloxía na primeira fin de semana de outubro e serao nunha edición especial como é a décima. Punto de encontro de artesáns, consumidores, produtores e público, a Feira Ecolóxica arzuá converterase un ano máis no viveiro das últimas novidades e formas de vida máis respectuosas coa contorna e cos seus habitantes.

Malia os atrancos e diversas dificultades ao longo do tempo, o Concello de Arzúa decidiu apoiar incondicionalmente o maior evento ecolóxico de Galicia para chegar así a celebrar este aniversario redondo, estes dez anos sendo referencia e impulsora dun xeito diferente de estarmos no mundo.

AXENDA

Facebook

48 minutes ago

Ábrete de orellas
TANXUGUEIRAS e Fillas De Cassandra unidas en "Quen é a que canta?" ... See MoreSee Less
Ver en Facebook