nota:
Track Dogs, a banda anglosaxona afincada en Madrid que nos vén presentar o seu cuarto álbum, “Kansas City Out Groove”, que sairá en marzo.
A música de Track Dogs é unha mestura entre varios estilo moi ben combinados como son o Pop, o Folk, o Rock, o Bluegrass e mesmo o Country, todos na súa xusta medida, sen definirse claramente con ningún deles, dando un resultado cheo de positivismo e alegría, que se transmite desde o primeiro minuto, facendo que a súa actuación sexa unha autentica festa.
A banda tomou o mesmo nome co que se designa aos equipos de mantemento do metro de Nova York. Estes equipos teñen que mirar os uns polos outros e manterse moi unidos para sacar o seu traballo adiante, como esta banda de expatriados residentes en España que se formou en 2011 para compor a súa marca única de música acústica.
Composta por dous irlandeses, un inglés e un americano a banda saca a luz o seu cuarto álbum “Kansas City Out Groove” en marzo deste ano e logo xira promocional do anterior disco que os levou por toda Europa e Estados Unidos. Un dos temas máis exitosos do disco anterior, “Love Me Like You Used To”, está protagonizado polo español xenio da guitarra El Twanguero.
Estes catro “madrileños” internacionais, Garrett Wall (IRL), Dave Mooney (IRL), Howard Brown (GB) e Robbie K Jones (EEUU) teñen xirado por todo o mundo e compartido escenarios en España con Deluxe, Iván Ferreiro ou Asian Dub Foundation.
Máis info:
