Hai un ano que falamos de “Visions from Oniria”, o segundo longa duración desta banda barcelonesa. Agora recuperan en versión acústica cinco pezas daquel complexo e intenso traballo, rebordante de influencias roqueiras de diferentes épocas. Ademais, acompáñanas do seu tema máis popular “Fish Tank” para completar un EP. Nestas versions acústicas aínda acada máis protagonismo o notable traballo de voces e ese bo cheiro a folk rock psicodélico dos 70 (Pink Floyd ou Led Zeppelin) como en “Revelation”. O retrouso de “Lonely Parade” conéctaos con bandas actuais caracterizadas polo seu ton épico (Muse, Interpol, The Killers… ) . O importante deste “Leafless” é amosar que as súas detallistas composicións funcionan perfectamente espidas de electricidade, que non de faísca.
Como sempre que edita Aloud Music, discos dispoñibles para mercar físicamente e descargar.
Pepe Cunha, 11-febreiro-2013
