nota:
Stefano Bollani comezou a estudar piano á idade de seis anos e fixo o seu debut profesional aos quince. Despois de graduarse no Conservatorio de música de Florencia en 1993, onde se formou como pianista clásico (a súa primeira vocación), e tras unha breve experiencia como músico de sesión no mundo pop con coñecidos intérpretes italianos como Raf, Jovanotti e outros, converteuse en músico de jazz a tempo completo, chegando a actuar en escenarios como o Town Hall en Nova York, o Barbican en Londres, a Scala de Milán e o Salle Pleyel en París.
A súa colaboración con Enrico Rava, o afamado trompetista italiano de jazz, que durou ininterrompidamente desde 1996, foi crucial. Ao seu lado, ofreceu centos de concertos e gravou máis dunha decena de discos. Ao longo da súa carreira, traballou tamén con artistas como Richard Galliano, Bill Frisell , Gato Barbieri, Sol Gabetta , Phil Woods , Lee Konitz, Pat Metheny e Chick Corea. Con este último gravou en directo “Orvieto” no ano 2011.
En 1998, dirixiu a banda L”Orchestra do Titanic e rendeu homenaxe á música italiana dos anos 1930 e 1940 con “Abbassa la tua radio”.
Ademais de instrumentista, cantante e compositor, es tamén produtor e arreglista, papeis que desempeñou, por exemplo no disco “Disperati intellettuali ubriaconi” de Bobo Rondelli (2002), grazas ao cal gañou o premio Ciampi. Actuou como solista con orquestras sinfónicas como as de Leipzig, Ámsterdan, París, a Filharmónica della Scala en Milán, Santa Cecilia de Roma, ou a Sinfónica de Toronto, xunto a directores como Zubin Mehta, Kristjan Järvi, Daniel Harding , Antonio Pappano e especialmente Riccardo Chailly, con quen gravou “Rhapsody in Blue” e o “Concerto en Fa” de Gershwin , un CD que obtivo un disco de platino en Italia, vendendo máis de 70.000 copias.
As súas inquietudes creativas levárono tamén a publicar unha novela (La sindrome di Brontolo), así como ensaios sobre música e múltiples colaboracións habituais en distintas publicacións.
Para a radio, foi creador e presentador do programa “Dottor Djembè” (Rai Radio 3).
No teatro, traballou con grandes nomes da escena italiana, como Claudio Bisio, Maurizio Crozza, Giuseppe Battiston, Marco Baliani, Banda Osiris e outros. Compuxo a música para tres obras de Lella Costa e para a “Antígona” de Cristina Pezzoli. É coautor e actor na obra “La Regina Dada”, creada con Valentina Cenni en 2016.
Na televisión, é invitado permanente de Renzo Arbore no programa “Meno siamo meglio stiamo” (Rai 1) e creador, autor e presentador das dúas edicións de “Sostén Bollani” (Rai 3), nas que levou música en vivo á pequena pantalla. O seu último proxecto de televisión é “L”importante è avere un piano”: sete episodios nocturnos en Rai 1 con invitados, improvisacións e música en vivo.
En 2007 lanzou o disco “Bollani Carioca”, gravado en Río de Xaneiro. Foi o segundo músico, despois de Antonio Carlos Jobim, en tocar un piano de cola nunha favela, e nos anos seguintes colaborou asiduamente con músicos brasileiros como Hamilton de Holanda, Chico Buarque, Caetano Veloso e Egberto Gismonti.
Agora, demostra precisamente o seu grande amor polos sons brasileiros con “Que Bom”, álbum recentemente lanzado ao mercado (maio 2018), no que basea as súas xiras actuais por todo o mundo, incluíndo o seu concerto en Pontevedra.
Este novo álbum, gravado integramente en Río, abraza a alma da música brasileira. Componse de cancións inéditas e orixinais de Bollani, e conta con colaboracións tan destacadas como as de Caetano Veloso, Hamilton de Holanda, Jaques Morelenbaum e Joâo Bosco.
En “Que Bom”, xunto a Bollani hai grandes representantes da música instrumental brasileira como Jorge Helder no contrabaixo, Jurim Moreira na batería e o que foi integrante do Pat Metheny Group, Armando Marçal na percusión: artistas moi queridos por Bollani, flanqueados aquí por Thiago da Serrinha, famoso percusionista de fama internacional. Un luxo, sen dúbida, telos en directo a todos eles en Pontevedra.
FORMACIÓN:
Stefano Bollani: piano
Jurim Moreira: batería
Jorge Helder: contrabaixo
Armando Marçal: percusión
Thiago da Serrinha: percusión