10 € / 5 € (soci@s)
En xaneiro de 1994, dez mozas con formación profesional únense para integrar unha nova agrupación: Ricachá. Dende o seu debut ata hoxe, téñense feito acompañar pola proxección escénica, a comunicación, o cambio de instrumentos e unha forza sonora que en nada atente contra o encanto e a frescura destas mulleres. Temas creados por e para a agrupación conforman o seu repertorio, acompañados por arranxos de obras ben coñecidas nacional e internacionalmente. Diversos xéneros da música popular cubana unidos a outros da área do Caribe como o son, a rumba, o cha-cha-chá, a balada-salsa, a plena, o merengue e outros. O xeito de facer resulta interesante e peculiar en relación coa linguaxe e formato que dispoñen. O nome do grupo devén en simboloxía musical por resposta a unha obra de afamado recoñecemento que, á súa vez, representa a un dos xéneros máis identificatorios de Cuba no mundo: o cha-cha-chá. Tendo en conta que no seu formato a agrupación desprega algunhas orquestracións de trasfondo charangueiro, é sen dúbida, un nome “homenaxe” ao tipo de orquestra que deu vida a significativos xéneros nacionais e que se presenta como un centro moi distinguible do tipo musical cubano: a charanga. Levan actuado en diferentes escenarios e en festas populares, acompañando a importantes agrupacións cubanas, e tamén teñen actuado en Guatemala, México, Italia… Con máis dunha década de historia, Ricachá é un grupo xove e prometedor. Ten o sabor e a cor da música cubana e a forza das súas raíces. As súas integrantes son: Belkis B. Izquierdo (dirección, voz e baixo), Ileana Pérez (teclado, piano e coros), Naylan Pérez Álvarez (frauta, guiro e coros), Yaquelin Sagarra (timbal e congas), Yaquelyn Yaque (congas, teclado e coros), Judit Cordovés (vocalista), Joaquín Izquierdo (director musical, piano, percusión e baixo) e Joel Castillo (especialista en son e produción xeral).
http://www.youtube.com/watch?v=0EzJo2jwPr0
Featured
