nota:
A Rede de Música Soltas de Rianxo son concertos de presentación dos proxectos en activo da música feita en Galicia por músicos locais ou foráneos que moran no país. Pequenas propostas de duos trios que normalmente podese ver no mercado internacional ou nas cidades galegas mas non nas pequechas vilas do noso pais. Así temos nesta rede os novos discos de Sérgio Tannus Trio e Davide Salvado, a próxima estrea de Jazzología ou os novos temas de Xan Campos Trio, Dúo Fdez & Quintá e as cancións inéditas en Acrobata, o disco de Fred Martins e Ugia Pedreira. Pequenos formatos para o acolledor espazo do Auditorio da vila de Rianxo. Concertos en primavera e outono un venres ao mes por 5 € de entrada (20 € bono de seis concertos).
Non todo o que cae na rede é peixe, e nesta rede só cae música de autora, de autor,jazz, de raíz, en definitiva MUSICA POPULAR traballada, de todos os POPs, de todos os pobos, música viva, que respire, que se mova, que nos faga vivir e movernos, mesmo pensar. Musica solta. Deseñada por aCentral Folque A Rede de Músicas Soltas trae peixe fresco de tempada de primavera e outono, aires cálidos en tempadas de mudanza estacional e tamén trae páxaros que saen das propias gaiolas para comprometerse, aventurarse e voar nos cambios constantes.
A RMS é un ciclo de concertos promovido polo Concello de Rianxo e organizado por aCentral Folque, Centro Galego de Música Popular, de músicas en pequeno formato e por músicos galegos ou residentes en Galicia ao redor da música popular e os seus universos.
Os concertos son sempre os venres ás 20.30 h no Auditorio de Rianxo (ver mapa) .
A venda de entradas realizarase na porta do Auditorio 30 min. antes de cada concerto. (5 € concertos / bono 20 €).
A esta rede está aderido o concello de Ribadeo e agora tamén Noia. Concellos que queren abaratar custes aunando esforzos entre artistas, medios de comunicación, público e personal técnico porque de todos-as é responsabilidade a educación, a cultura.
CICLO DE CONCERTOS
venres 22 de abril.
Acrobata na RMS
www.folque.com/acrobata
venres, 26 de abril
Fdez & Quintá na RMS
venres, 24 de maio
Sérgio Tannus na RMS
venres, 14 de xuño
Jazzologia na RMS
venres, 18 de outubro
Davide Salvado na RMS.
venres, 22 de novembro
Xan Campos na RMS
