nota:
Poñemos fin a esta 3ª edición do ciclo por todo o alto. O 15 de Decembro visita o Teatro Jofre Ferrol un dos artistas que máis nos sorprendeu nos últimos anos: Niño de Elche.
Un cantaor atípico, un artista multidisciplinar que combina o cante flamenco coa performance, a poesía, a libre improvisación, o minimalismo, o rock ou a electrónica.
A súa discografía é tan dispar que non saberíamos clasificala, pero sen dúbida quedámonos con este último “Voces del extremo”, un disco brillante, singular e arriscado que está conquistando a público e crítica especializada por igual.
