DoFol, selo especialiado en música galega, conta desde hai máis de 15 anos cun salientable catálogo, aínda que até un par deles semellaba algo desaparecido. Mais regresou con forza e este recompilatorio é unha boa mostra diso, ao repasar 10 dos seus últimos lanzamentos, dende os recentísimos “Sós” de Mercedes Peón (“Derorán”) e “Soas” de Cristina Pato & Rosa Cedrón (“Heicho de dar”) ata a reedición do álbum de 2000 “Danza das Areas” de Uxía (“A tribu máxica”). Variedade estilística e calidade aquí demostrada a partir de discos xa comentados nesta web, como os de Bellón Maceiras Quinteto (“Licantropía”), A Banda das Crechas (“Estroupelear”), Fuxan os Ventos (“Cantiga de Berce”) ou Cantigas do Camiño (aquí representado polo “Dum Paterfamilias” de Guadi Galego & Vaamonde Lamas e Romero) e outros coma Bonovo (“Sexta”), Sondeseu (“Barlovento”) e Susana Seivane (“A Moxenas”). Edición en digipack con ilustracións de O Pastor e textos en galego, castelán e inglés sobre cada álbum. Dispoñible en Spotify.
Pepe Cunha 10-xaneiro-2011
