Mark Lanegan Band + Creature with the Atom Brain

Marzo 28, 2012

ciclo Compostela Rock
Entradas: 18 € + gastos
www.ticketmaster.es
Carrefour, FNAC, Halcón Viajes, Tiendas Tipo y Discos Gong

Lanegan promete unha noite memorable do Compostela Rock na que presenta en Galicia ‘Blues Funeral’, o seu novo disco, acompañado dos belgas Creature with the Atom Brain.

En 2010 toda unha lenda do rock como Mark Lanegan pisaba por primeira vez Galicia para participar no ciclo Xacobeo Importa. Tras aquel espectacular show en acústico, en 2012 o señor Lanegan publica novo disco, ‘Blues Funeral’, o seu primeiro traballo en 8 anos tras ‘Bublegum’ (2004), e prepara unha xira europea que pasará polas principais capitais e que o traerá de novo a Galicia, nesta ocasión dentro do ciclo Compostela Rock. Á cita, que promete ofrecer unha noite memorable, vén acompañado de toda a súa banda.

Emparentado nese club das grandes voces que forman Johnny Cash, Tom Waits ou Nick Cave, nos últimos anos Lanegan demostrou as súas inquietudes ao traballar en diferentes proxectos con artistas como Greg Dulli (The Twilight Singers), Isobel Campbell (Belle & Sebastian), Soulsavers ou Queens of the Stone Age. Do mesmo xeito que os bos viños, a súa voz mellora co paso do tempo

Mark Lanegan volve, como diciamos, co seu novo disco ‘Blues Funeral’, o seu primeiro disco en 8 anos tras a publicación de ‘Bubblegum’ en 2004. Gravado por Alain Johannes nos estudos 11ad de Hollywood, ten prevista a súa saída para o 6 Febreiro 2012 e como é habitual no sr. Lanegan, contará con invitados de luxo como Greg Dulli, Josh Homme, etc…

Como banda teloneira actuarán os belgas CREATURE WITH THE ATOM BRAIN, vellos coñecidos de Lanegan que viraron con ilustres como THE JESUS AND MARY CHAIN, THE DEAD WEATHER e que contan entre as súas filas con Aldo Struif (ex Millionaire).

AXENDA

Facebook

6 hours ago

Ábrete de orellas
Xabier Díaz & Adufeiras de Salitre presentaron as cancións de "Axudame a sentir" canda moitos do seus clásicos.As entradas estaban esgotadas e os seus concertos xustifícano. ... See MoreSee Less
Ver en Facebook
21:00 h.
Sala Capitol, Santiago de Compostela.
18 / 22 €