nota:
Dende o festival Reperkusión de 2014 non pisaba Manu Chao os escenarios galegos. O artista retorna en marzo a Galicia para ofrecer dous concertos. O primeiro deles terá lugar na sala Capitol de Santiago o mércores 9. E o segundo na sala Tebras de Lugo o domingo 13. Os dous darán comezo ás 21 horas e a apertura de portas realizarase unha hora antes.
“El Chapulín solo”, o alcume baixo o que se presenta Manu Chao, sobe nestes concertos ao palco coa súa guitarra en formato acústico acompañado de Lucky Luciano (guitarra) e Miguel Rumbao (percusión).
No seu repertorio, temas novos e temas de sempre. Músicas híbridas, froito do seu encontro entre culturas e tradicións populares. Nas súas propias palabras: “Canciones de rompe y rasca, rolas musicarias, mundos al revés, ‘ekivokadas’ vidas, vecinas del patio y despedidas clandestinas. Calles y más calles. Bodas y banquetes, entierros y malas vidas”. Sen perder nunca de vista os seus tres puntais fundamentais: alegría, loita e compromiso.
ENTRADAS
As entradas para o concerto de Santiago están a venda en https://entradium.com/events/el-chapulin-solo-manu-chao-acustico-santiago
No caso do de Lugo, poden adquirirse en https://entradium.com/events/el-chapulin-solo-manu-chao-acustico-lugo
En ambos casos o prezo da entrada en venda anticipada é de 20 (+gastos de xestión). O prezo da entrada en taquilla será de 25 euros
Para acceder as salas será obrigatorio mostrar o pasaporte covid.
Os menores de 16 anos, no caso da Capitol, e de 18 anos no caso da Tebras deberán acudir acompañados dun adulto responsable. Consultar condicións en salacapitol.com e tebras.es
