Esta cantante galega, fincada en Santiago de Compostela pero natural de Cacheiras, leva máis de 10 anos tentando abrirse un oco nisto da música. Con diversos estudos musicais, empeza a súa carreira cun dúo, xunto a Leo Giannetto á guitarra, chamado Non Title. Tamén participou no dúo Grou Pequeno xunto a Celia Pía (pianos e coros). Ademais, participou como vocalista na S.E.M Big Band de Santiago de Compostela, Brandelia, Nubeira e Ixion. Colaborou ademais en numerosos discos e con varios grupos de diversos estilos. Actualmente atopase ultimando os detalles do seu primeiro disco como artista en solitario, “Sleeping in the corridor” para o que está a recadar fondos destinados a masterización, edición e distribución de este mediante a plataforma Verkami, creada especificamente para os artistas que buscan financiar colectivamente os seus traballos a través do aporte de mecenas, que máis tarde, dependendo do aporte de cada un, verán recompensado o seu esforzo. Podedes axudar a financiar o proxecto de Loli Nogueira a través de este enlace:
Destacado
