Leilía anuncia a súa última xira

Marzo 07, 2023

nota:

Leilía anuncia a súa última xira tras un éxitoso primeiro concerto na Festa do Queixo de Arzúa
O seu espectáculo Vidas Cantadas poñerá fin a unha andaina que mudou o panorama da música tradicional galega

Este 2023 será o último ano de Leilía enriba dos palcos. O grupo, que naceu no ano 89 cando seis mulleres se xuntaron co obxectivo de recuperar do esquecemento a tradición oral, da inicio á que será a súa última xira logo de 34 anos co seu espectáculo Vidas Cantadas.

O pasado sábado 4 de marzo anunciaron a fin de xira nun multitudinario concerto na Festa do Queixo de Arzúa, que mereceu varios minutos de ovación. Ao longo deste ano levarán o seu espectáculo Vidas Cantadas por todo o territorio manténdose fieis a súa esencia: “Poñer en valor a tradición oral herdada das mulleres das aldeas que compartiron connosco coplas, toques, e moita sabiduría popular”.

En Vidas Cantadas pechan un círculo. Retoman cancións do seu vello repertorio e danlle un aire novo. Este espectáculo engloba un sinfín de vivencias que mostra o que Leilía significa para a música deste país.

Dende o grupo recordan que, cando comezaron a súa andaina, o canto e a pandeireta estaban esmorecendo, pero que agora, botando a vista atrás, ven como esta realidade mudou, e agora forman parte das vidas de moitísimas persoas deste país. “Estamos moi contentas e orgullosas de todos os pasos dados ao longo destes anos, e estamos infinitamente agradecidas ás nosas informantes, e tamén ao público que nos apoiou e arroupou”, afirman dende o grupo.

Ana Rodríguez, Rosario Rodríguez, Montse Rivera, Felisa Segade, Patricia Segade e Mercedes Rodríguez din adeus aos palcos tras unha traxectoria que supuxo un antes e un despois no panorama musical galego. “Será unha xira moi especial e emocionante”.

Facebook

5 hours ago

Ábrete de orellas
O SONORO MAXÍN, banda referente da Galicia tropical con mensaxe, volve cun EP titulado como a canción que o abre e desde xa un dos versos dos ano: “A primavera ten que ser nosa”. Culturactiva S. Coop. Galegaabretedeorellas.com/o-sonoro-maxin-a-primavera-ten-que-ser-nosa/ ... See MoreSee Less
Ver en Facebook