Las Migas

Marzo 09, 2012

Son Las Migas un grupo de flamenco? Máis que de ningún outro xénero, sen dúbida. Pero as súas cancións son un crisol no que estilos do máis variado conviven de xeito heterodoxo. Música popular de arraigo culto, con ecos zíngaros, latinoamericanos e mediterráneos. Son un cuarteto con pegada propia (violino, guitarras flamencas e a voz da nova cantaora catalá Alba Carmona) respaldado nesta ocasión por contrabaixo e percusión. En feminino e plural, Las Migas non renuncian a tan singular identidade. Tan tradicionais como vangardistas, tan innovadoras como namoradas do son da madeira e os xéneros eternos. Neste concerto presentarán un avance do que será o seu segundo disco, que verá a luz nesta primavera.

AXENDA

Pub Clavicembalo, Lugo.