La Gran Orquesta Republicana

Abril 23, 2017

nota:

Moita xente pequena, en lugares pequenos, facendo cousas pequenas, pode cambiar o mundo. Con esta frase presenta La Gran Orquesta Republicana a súa “Gira Utopía”, unha xira que leva á banda para celebrar os 20 anos nos escenarios e a percorrer 12 cidades de toda a peninsula en 13 días do mes de abril, uns días antes tocaron na capital da súa illa de Mallorca para inaugurar a xira.

La Gran Orquesta Republicana é unha banda de ska-fusión formada en 1997 na illa de Mallorca, por Javier Vegas e o seu irmán Nacho. No seu traballo alternan sons ska, punk, reggae, etc. sempre co rock como base. A súa música incita ao baile, á diversión; as súas letras á reflexión política.

La Gran Orquesta Republicana pretende, a través da mestura tanto de música como de ideas, incitar a bailar e pensar, a rir e pelexar contra a apatía, o aburrimento, o pensamento único e a idiotez que provoca a indiferenza.

La Gran Orquesta Republicana xogan coa mestizaxe pero non imitan a Mano Negra. Teñen ritmos ska pero non copian a Doctor Calypso. Os seus riffs rockeiros non queren calcar os de Extremoduro. Máis ben toman o mellor de cada estilo: rock, ska, calypso, hardcore, reggae, todo o inclúen na súa cocteleira e preséntannolo cun son renovado e elaborado. Perfecto para alegrarche o día.

La Gran Orquesta Republicana edita 4 discos entre 1997 e 2004. A finais do ano 2006 a banda anuncia un parón, 5 anos despúes regresa aos escenarios e en 2014 edita o seu último disco ata a data, “Todo es posible”, disco autoeditado grazas ao exitoso resultado dunha campaña de crowdfunding. O grupo vira na actualidade coa formación orixinal de 6 musicos: batería, baixo, guitarra, saxo, trombón-trompeta e voz.

Facebook

1 day ago

Ábrete de orellas
Hoxe é o Día Internacional das persoas con discapacidade e por iso recuperamos esta canción, na que Seso Durán adaptou un conto sobre o seu fillo Manuel escrito por María José Ferrada. "O traballo pon o acento na diversidade funcional, en que sempre hai máis do que se ve a simple vista e un pequeno misterio en cada cousa."Inquedanzas Sonoras ... See MoreSee Less
Ver en Facebook