nota:
JYOTSNA SRIKANTH
Bangalore Dreams é a colaboración de varios músicos coa idea de ampliar as fronteiras musicais até os seus límites. Guiados pola prestixiosa violinista Jyotsna Srikanth, o proxecto Bangalore Dreams baséase na música Carnática da India fusionada con Jazz, Electrónica, Funk, Celta, Bollywood e Hip-Hop, creando fermosas harmonías e ritmos cegadores. Con profundas raíces na música tradicional do Sur de India, a compositora e violinista Jyotsna Srikanth combina o clásico e o contemporáneo de India e de Occidente. Colaborou con grandes artistas de todo o mundo.
