O uruguaio Jorge Drexler vai facer parada en Vigo dentro da xira de presentación do seu traballo recentemente publicado “Bailar en la cueva”, que saíu á luz o pasado 25 de marzo.
O público galego será dos primeiros en gozar o directo de “Bailar en la cueva”. Nel, o artista aposta máis que nunca por un concepto de son global. De feito, Drexler contou na súa gravación con colaboracións tan especiais como a de Caetano Veloso, Ana Tijoux ou a coprodución de Eduardo Cabra de Calle 13.
