ciclo “Espazos sonoros”
Latidos de corazón en vinilo, instrumentos mecánicos e zanfona
O Método Cardiofónico do sempre sorprendente Germán Díaz chega ao Liceo de Ourense e o fai cunha estrea absoluta, xa que para esta ocasión, o artista conta coa colaboración de dous excepcionais músicos no escenario: o oboista Benxamin Otero e o clarinetista Pablo Pascual.
O venres 5 de outubro é a quenda do Método Cardiofónico do sempre sorprendente Germán Díaz no Liceo de Ourense ás 20.00 horas, unha estrea absoluta, xa que para esta ocasión, o artista conta coa colaboración de dous excepcionais músicos no escenario: o oboista Benxamin Otero e o clarinetista Pablo Pascual.
Santiago de Compostela 4 de outubro de 2012.- Esta semana Espazos Sonoros presenta unha proposta moi singular de achegarse a música en Ourense: o Método Cardiofónico do polifacético zanfonista Germán Díaz.
Esta proposta, está baseada nos ritmos do latexar do corazón que o doutor Iriarte gravou nos anos corenta e que editou en vinilo co mesmo nome. Estes latexos serán misturandos coa música dos instrumentos mecánicos que len cartóns perforados nos que están escritas as melodías. Con estes instrumentos, a zanfona e a gravación de bucles en directo, camiñaremos entre a improvisación e a rixidez deses cartóns perforados nun espectáculo único.
Con anterioridade ao concerto, Espazos Sonoros propón ademais unha experiencia única, a realización dun rexistro dun cilindro fonográfico de cera, tal e como se facía a comezos do século XX nos primeiros estudos de gravación, a partir do fonógrafo inventado por Thomas A. Edison, en 1878. A experiencia consistirá nun pequeno exercicio vocal onde o público asistente poderá rexistrar a súa voz empregando este instrumento acústico-
mecánico. Con esta sinxela práctica, poderemos facer idea de por que moitos compositores da época se negaron a escoitar a súa música reproducida nunha máquina destas características, e como evolucionou, dende entón, a técnica e calidade nas gravacións.
