nota:
Foxy Freire | Rock
Virxilio da Silva: guitarra, voz; Fernando Sánchez: guitarra; Paco Charlín: baixo; Max Gómez: batería.
Nace no ano 2010 nas Rías Baixas –Galicia–. Nútrese principalmente do rock de finais dos 60 e principios dos 70. As influencias da banda van desde Jimi Hendrix, MC5, Led Zeppelin, Black Sabbath, Blue Cheer, Leaf Hound, Cream e Grand Funk Railroad ata bandas de creación máis recente como Queens of the Stone Age e Fu Manchu. Durante os últimos 4 anos pasou polos escenarios das mellores salas galegas e do norte de Portugal ofrecendo un espectáculo cheo de enerxía e puro rock and roll. Actualmente atópanse ultimando detalles do que será o seu primeiro LP, Mongoose Tree, que verá a luz no próximo mes de maio.
