foliada especial coa Banda das Crechas

Maio 16, 2018

Foliada coa BANDA DAS CRECHAS – Mércores 16 22:30 3€

nota:

Mañá mércores a Casa das Crechas celebra unha das súas tradicionais Foliadas, pero neste caso estará dedicada a un proxecto especial e tamén cun prezo especial: 3 euros (as normais custan 1 euro). E todo o recadado será a favor do Proxecto Elea, unha organización independente formada por voluntarios de todo o mundo e financiada por doazóns privadas que leva traballando no campo de refuxiados Eleonas, situado nos arredores de Atenas, durante máis de dous anos.

Este proxecto nace da necesidade de mellorar as condicións e calidade de vida dos milleiros de refuxiados que están retidos en Grecia desde o peche das fronteiras producido en 2016. Elea axuda no día a día dos máis de 2500 residentes de 26 grupos etnicos diferentes (procedentes de Siria, Afganistán, Irán, Iraq, Paquistán, Guinea,…) desenvolvendo un programa de máis de 30 actividades educativas, artísticas, deportivas, culturais, ambientais e de integración social, centradas en dignificar a súa situación ante a pasividade da UE.

Facebook

22:30 h.
Casa das Crechas,Santiago de Compostela.
3 €