nota:
Terbutalina, muradáns, fan un punk garaxeiro e divertido que xa foron quen de plastificar en nada menos que catro discos. Martelo é un grupo de rock con músicas e letras abrasivas, composto por músicos de nome en diversos estilos, o batería Max Gómez, o guitarrista Manuel Cebrián o baixista e vocalista Xacobe Martínez Antelo. Mentres, Grampoder practican unha sorte de pop psicodélico ou de rock acústico; nacidos das cinsas de The Homens, editaron en maio o seu primeiro traballo, Golf Whiskey. Pola súa banda, Arremecághona’s Produçións é a última encarnación do cantautor punk e activista O’Leo; no Música na Noite cantará os seus temas subversivos a pé de barra, en pleno campo da festa. Pechan a noite rock do festival A Magnifique Bande dos Homes Sen Medo, un conxunto nacido para tocar na rúa que mestura jazz, funk, rock progresivo, muiñeiras, diversión e elegancia nun espectáculo bastardo e indomable.
historia
Música na Noite naceu nos anos oitenta para achegar a Calo a diversas bandas de folk do momento. Durante esta primeira vida, que durou ata 1996, converteuse nunha das citas máis populares do panorama da música tradicional. A asociación Lúa Chea recuperouno no 2008, desta vez apostando por dúas noites de estilos diversos.
