festival Castelo Son: iLalelo (Carlos Blanco e Xosé Manuel Budiño) + Los 22 + Orquestra Aconfónica + Familia Caamagno + Recambios Tucho

Agosto 24, 2012

Culleredo recibe hoxe no festival gratuíto Castelo Son a grandes nomes do humor e a música en Galicia

A cita, promovida pola asociación Castelo Deporte en colaboración coa asociación Sons de Base, a produtora Airapro e o Concello de Culleredo, está apadriñada polo actor Xosé A. Touriñán

Castelo, unha parroquia rural do termo municipal de Culleredo, ao pé do Monte Xalo, acolle este venres a cuarta edición do Castelo Son, un festival gratuíto de música e humor promovido, segundo o definen os organizadores, para “ofrecer ao público de toda a comarca da Coruña unha alternativa de lecer de balde este verán”. Por iso, a particularidade deste evento, que organizan varias asociacións en colaboración co Concello de Culleredo, pasa por non ter ánimo algún de lucro e soster un cartel de altura no panorama festivaleiro en Galicia sen afectar demasiado ao peto do seu público. “Ata no bar os prezos chaman a atención, unha caña tómase por euro e medio, e unha copa por tres euros e medio”, destacan desde a organización.

Xosé A. Touriñán, o veciño máis ilustre da parroquia cullerdense, será o encargado de iniciar o festival cun pregón duns vinte minutos. Virá despois o espectáculo de Carlos Blanco e Xosé Manuel Budiño, iLalelo, no que o actor e o gaiteiro argallan unha sensacional mestura de humor e música. Logo comezará a música: da man de Los 22, un grupo de pop – rock galego que ven de presentar o seu primeiro disco;a Orquestra Aconfónica, unha ampla formación procedente de Carral con letras tan reivindicativas como aptas para calquera festa, ou Familia Caamagno, desde Sigueiro, rock e blues en galego. E Recambios Tucho, a banda do guitarrista de Heredeiros da Crus, encabeza un cartel que deixará para o final a sesión de París DJ. (o deejay
da extinta Sala The Star de Carral).

Acampada, aparcadoiros, comida, bebida, e se chove…

O festival contará cun servizo de acampada gratuíto que contra as sete da tarde comezará a recibir a todos aqueles que prefiran gozar co evento e volver a casa con máis calma ao día seguinte. Haberá tamén amplos aparcadoiros ao carón do recinto.

Por outra banda, dúas amplas barras ofrecerán durante toda a noite unha extensa oferta de comida e bebida a prezos populares. En caso de chuvia, as características do recinto do festival (a polideportiva ao aire libre de Castelo), permitirán acoller a máis dun milleiro de persoas a cuberto. Ademais, dúas pantallas de proxección emitirán imaxes en directo do festival, recollidas con ata catro cámaras desde diferentes puntos do recinto.

Facebook

10 hours ago

Ábrete de orellas
Un dos temas favoritos do último álbum de Ataque Escampe.Tremendo Audiovisual ... See MoreSee Less
Ver en Facebook
Culleredo.
De balde.