Festa Cidade Europea do Viño: Belako + Cápsula + Familia Caamagno + Presumido + Disco Las Palmeras …

Setembro 09, 2017

nota.

O Concello decidiu onte respectar a liña xeral dos acontecementos que se veñen a celebrar con motivo da Capitalidade Europea de Cambados como Cidade do Viño. Despois de escoitar a través das diversas canles á cidadanía, que reclamaba a gratuidade dun dos eventos estrela do ano conmemorativo, tomouse a decisión de abrir Parque Torrado aos veciños. O que pretende ser o primeiro evento da recta final de festexos deste ano, abrirá as súas portas de balde o sábado 9 ás 12.30 h para todo aquel que desexe participar desta gran festa.

Coa colaboración da Deputación de Pontevedra, pretende ser unha alternativa musical diferente á oferta xa existente dos festivais de verán e dar peche aos Festivais Rías Baixas neste ano 2017.

Coa excelencia como mellor aval, as bandas que actuarán caracterízanse por acumular premios da crítica especializada e por percorrer escenarios de todo o mundo: Belako, Familia Caamagno, Presumido, Ghesgha, Disco Las Palmeras!, , Brian Cross, Emilio José e Os Indígenas, Oh Ayatollah, Kings of the Beach e Niña Coyote eta Chico Tornado pasarán pola Capital europea do Viño nunha xornada para toda a familia.

Pero o que sen dúbida será un dos grandes atractivos da xornada será Cápsula co seu espectáculo “Dreaming of Ziggy Stardust”. Unha homenaxe á obra de David Bowie que está a espertar a interese de gran parte do público que xa confirmou a súa asistencia.

Nunha xornada pensada para toda a familia, o festival contará con food trucks e servicio de bebidas para aqueles que teñan pensado pasar todo o día no recinto. As portas do Parque Torrado abriranse ás 12.00 h e prolongarase ininterrompidamente ata ben entrada a madrugada da man de Brian Cross, un dos djs máis internacionais do panorama musical actual. O importe das entradas vendidas poderase recuperar a través de ticketea.

Facebook

12:30 h.
Parque de Torrado, Cambados.
De balde.