nota:
concerto presentación do disco Xograr de Fernando Barroso. Virá acompañado da súa banda e contará coa colaboración de artistas locais.
O músico e compositor ferrolán, que participóu en numerosos proxectos dentro do panorama Folk / World-Music desde Galicia e Portugal, regresa á súa cidade natal para un concerto especial no Teatro Jofre. O seu repertorio orixinal está ligado á música popular galega e portuguesa, con influencias dispares, dende o jazz, a música clásica, a brasileira ou a persa.
Fernando Barroso foi artífice de bandas e colaborador xunto a outros artistas. En 2016 comeza a súa andaina persoal coa publicación do seu primeiro disco “INTROPÍA” Desde entón conta xa con varios discos e EP”s e unha ampla traxectoria de concertos. Foi produtor e creador de música para outras bandas e artistas, además de impulsor da música popular levada aos instrumentos de corda, impartindo obradoiros e clases maxistrais en diferentes países.
Neste caso, “XOGRAR”, o seu último disco, é un traballo que presenta en formato cuarteto, xunto aos músicos Álvaro Trillo (batería), Margarida Mariño (cello), e Xurxo Brea (baixo), nun concerto onde tamén farán revisión do resto da discografía.
