ciclo Maio Jazz
nota:
O vindeiro domingo 28 Pablo Sanmamed trío acompañado por Benxamín Otero presentan ás 20 h “ Zugunruhe. Inquietudes Migratórias” (aCentral
Folque 2023) no Teatro Colón da Coruña clausurando o ciclo Maio Jazz que promove a área de cultura da Deputación da Coruña.
Sanmamed presenta neste 2023 o seu terceiro álbum de estudo baixo o título de “Zugunruhe, Inquietudes Migratórias”: un comportamento ansioso que se dá nos animais migratorios aos que se lles impide migrar, especialmente nas aves. Este concepto motiva parte das composicións deste disco, como tamén o fai o seu antónimo, a quietude, ou a ausencia desa necesidade de movemento. Sorprende a incorporación do óboe e o corno inglés do reputado Benxamín Otero ao seu habitual trío de Jazz, conformado por Iago Mourinho ao piano e Bruno Couceiro á batería, para dar forma a un cuarteto que forxa un son comunitario inmersivo.