Moduladores
Decembro 28 @ 20:00 - 21:30
nota:
Moduladores é unha nova banda que estará actuando este venres 22 nov na sala Kominsky (Vigo) ás 21.30h, o 29 de novembro en A Gentalha do Pichel ( Rúa Santa Clara, número 21, Santiago de Compostela ) e o 28 de decembro no Centro Social A Pedreira (Pontevedra)
Os seus integrantes teñen unha longa e variada traxectoria musical: Camarada Nimoy, Siniestro Total, Os Resentidos, Mad Martin Trío, Trem Fantasma… É un proxecto instrumental que navega por diferentes estilos dun xeito pouco convencional.
Son Nico Rodríguez á batería, Pablo Muñiz ao baixo, Xabier Soto á guitarra, Paulo Pascual ao theremin, guitarra e sintetizador. Usan sons exóticos, surf, electrónicos, experimentais e un xigantesco etc. Fano coa porta sempre aberta a novos rumbos. Elaboran as súas propias composicións nun momento no que parece que o contrario é a norma. A súa proposta é á vez arriscada e inclasificable, momentos fortes, estranos e momentos relaxados, suaves, cargados de atmosferas con sons actuais e tamén de diferentes épocas. Poden lembrarnos a Lothar &the Hand People, Man ou Astro-man?, Sonic Youth, Sufian Stevens, La Luz, Los Straitjackets, etc… e despois afastarnos deles.