A partir do libro disco “María Fumaça…cantar e bailar para ser máis feliz” editado por Galaxia créase este espectáculo musical familiar que naceu coma un agasallo para Ruí: un neno moi especial cunha discapacidade. Nel interveñen artistas galegos da música e o teatro como Uxía Senlle, Magín Blanco, Sergio Tannus, Serginho Sales, Carlos Blanco, Isaac Palacín, Tanxarina Teatro, e moitos outros. Videoclips, algúns deles con pictogramas para os nenos con discapacidades, cancións coma “Xa son maior” de Magín Blanco, “O riso de Rui” de Carlos Blanco, o éxito da formiguiña “Fun ao mercado” e moitas máis postas en escena a través do fío condutor da Bruxa Maruxa (Uxía). Un canto a alegría e á vida.
Entradas á venda dende dúas horas antes do espectáculo na billeteira do Teatro, a un prezo único de 5 euros.
