DésCONCERTO EXPANSIVO | A Burla
No 10º aniversario da Marea de Dignidade, a primeira gran manifestación convocada por Nunca Máis tras a catástrofe do Prestige, o colectivo A Burla convoca o DésCONCERTO EXPANSIVO, ducias de actuacións simultáneas en toda Galiza co fin de lembrar a traxedia ecolóxica e o movemento social a que deu lugar. Artistas e locais de todo o país únense o 1 de decembro para manter a conciencia viva sobre os riscos que ameazan o noso medio ambiente. Nas Crechas participarán: Liga Gaiteira Galega (folc), Xosé Constenla (cantautor), Carlos Santiago (monologuista) e Pepe Penabade (actor).
