nota:
CUAC FM, a radio comunitaria da Coruña, convoca a XXVI edición do seu Concurso de Bandas e solistas a nivel estatal. Trátase do concurso musical máis lonxevo de todos os que existen a nivel musical en Galicia, cando menos convocado por unha entidade privada para a música moderna.
Nesta convocatoria repártense 5000 euros en premios grazas á subvención da Deputación da Coruña e a colaboración co Concello da Coruña que acolle a duas bandas galegas dentro da programacion do Festival Noroeste Estrella Galicia. Mantense o premio á Mellor Canción en Galego e consolídase o Premio Eva Coyote para a Mellor Banda Coruñesa.
Poden participar aqueles proxectos musicais cun máximo de 15 temas editados e que non gañase ningún premio en edicións anteriores.
O prazo para enviar propostas finaliza o 20 de maio e toda a información e as bases completas están na web da asociación cultural CUAC, www.cuacfm.org, no apartado CUAC FM
A Batalla de bandas, na que participan proxectos de todo o estado español será o 12 de outubro na Sala Mardi Gras.
