Cristina Pato coa Real Filharmonía de Galicia

Xuño 03, 2016

nota:

Construír un amplo repertorio para gaita e orquestra sinfónica é un dos últimos retos de Cristina Pato. E por primeira vez vai traer os froitos deste traballo a Galicia. Será a vindeira semana, cando actuará como solista por primeira vez coa Real Filharmonía de Galicia dirixida por Paul Daniel. Será mañá xoves 2 de xuño no Auditorio de Galicia, o venres 3 no Auditorio Abanca de Vigo e o sábado 4 un pequeno concerto no compostelá Parque Eugenio Granell.

Logo de ter actuado nos últimos dez anos con grandes orquestras de prestixio internacional como a New York Philharmonic ou a Chicago Symphony, Cristina Pato propúxose ampliar o repertorio de gaita para orquestra facendo encargos a compositores internacionales. Será a súa primeira vez como solista coa RFG, con quen dará un paso máis no seu pioneiro Gaita and Orchestra Commissioning Project, que foi financiado por ela mesma e pola fundación americana New Music USA, co que xa tocou con outras orquestras americanos como a Sphinx Orchestra no Detroit Symphony Hall, a Chicago Sinfonietta no Chicago Symphony Hall e a Orquestra Simfònica del Vallès no Palau de la Música de Barcelona.

Será a súa primeira vez como solista coa Real Filharmonía de Galicia. Nestes dous concertos en Galicia, tamén actuará como solista Esther Viúdez ao corno inglés e baixo a batuta do director Paul Daniel. O programa que interpretarán é o seguinte:

J. MacMillan: The world”s Ransoming (estrea en España)
O. Vázquez: Viúvas de vivos e mortos (estrea absoluta)
P. I. Chaikovski: Sinfonía nº 4 en fa menor, op. 36

Alén disto, os tres, Pato, Viúdez e Daniel, protagonizan tamén o último Conversando con… do ano, onde público e intérpretes poden intercambiar impresións antes do inicio do concerto. Alén disto, o sábado 4 haberá un pequeno concerto, interpretando só a obra de Octavio Vázquez, ás 12.30 no parque Eugenio Granell de Santiago.

Outros proxectos
Cristina Pato segue a traballar paralelamente en múltiples proxectos. Ademais da xira co bailarín Lil Buck, a ourensá vén de formar parte do xurado no concurso de músida de cámara coa dotación económica máis grande do mundo, o M-Prize Chamber Arts Competition, que ten lugar na Universidade de Michigan e que está dotado con 100.000 dólares de premio.

E o 10 de xuño estrearase a nivel mundial o documental The Music of Strangers: Yo-Yo Ma and the Silk Road Ensemble, o filme do director gañador dun Oscar e un Emmy Morgan Neville que narra a historia do Silkroad, e que tivo a súa estrea europea na Berlinale o pasado 19 de febreiro. Logo poderase ver na canle HBO.

Nel Cristina Pato e Galicia son coprotagonistas. O filme conta a historia deste colectivo musical creado polo lexendario cellista Yo-Yo Ma do que forma parte Pato. A través da fita podemos seguir as vidas deste grupo de instrumentistas, e como exploran o poder da música para preservar a tradición, dar forma á evolución cultural e inspirar a esperanza.

A parte dedicada á gaiteira ourensá explora os valores fundamentais da cultura e da identidade galega e lévanos a coñecer a súa vida familiar, social e cultural en Galicia. Tamén se reflicte o que significa para Cristina formar parte e querer estar en dous lugares á vez, e a influencia da emigración na súa vida e na dos seus pais.

Cristina Pato

Aclamada polo New York Times como “unha virtuosa explosión de enerxía” e por The Wall Street Journal como “un dos mestres vivos da gaita”, a gaiteira galega, pianista e compositora Cristina Pato, ademais de emprendedora cultural, disfruta dunha activa carreira profesional dedicada á música popular galega, a música clásica e o jazz, e a súa carreira dual tena levado aos principais escenarios de toda Europa, EEUU, India, África e China.

Cristina Pato foi a primeira gaiteira muller en publicar un álbum en solitario (1999) e desde entón ten colaborado en escenarios de todo o mundo con Yo-Yo Ma, Arturo O”Farril e a Afro Latin Jazz Orchestra, Chicago Symphony Orchestra, Osvaldo Golijov, New York Philharmonic e Paquito D‘Rivera.

Cristina é membro do Silk Road Ensemble de Yo-Yo Ma e un membro fundador do seu Leadership Council, colaborando estreitamente nas xiras e na planificación de residencias, entre elas a asociación multianual entre o Silk Road Project e a Universidade de Harvard.

Facebook

4 hours ago

Ábrete de orellas
En galego, con independencia e citando fontes e referencias. Estas serían as premisas que sigo desde que me puxen ao outro lado dun micro. Non falo (ben) dalgo porque me paguen ou acrediten nin publico para monetizar. Non vivo disto. Dígoo pq xa mo preguntaron.Fdo: O director orelludo ... See MoreSee Less
Ver en Facebook
20:30 h.
Auditorio Abanca, Vigo.