Non son unha banda ao uso, senón un club de amigos. Esteban de Bergia, Álvaro Ayuso, Juan Serra, Juan Feo, Adriano Pezzi, Jacobo de la Viña e Álvaro Baños coñécense desde a infancia e comparten un proxecto no que case sempre escrebe Esteban pero onde todos son protagonistas das músicas. Para este segundo disco trasladáronse á casa-estudio La Mina en Sevilla de Raúl Pérez, con cuxa axuda nunha semana de convivencia sacaron adiante estes 11 temas. Así completaron un traballo personal e diferente, difícil de catalogar pero sorprendente entre a uniformidade e as tendencias; especialmente polos seus retrousos, coros e diversidade estilística.
“Buen día” invita ao disco con frescura; despois a “Estampida” de swing e algo de caos grazas ás palmas e” jaleos” do Tomasito e Víctor Iniesta; “Candela” ten algo de plegaria enchoupada polo pop-rock andaluz dos anos 70; “Montaña” ben podería estar no “Atlántico” de Xoel López e por iso non podía haber mellor colaborador; a música latinoamericana nunha “Guateque” onde brilla Manuel Machado aos ventos; “Nigeria” lévanos ao afrobeat; “Amar es llorar” e “Condición” son unhas baladas vitais das que atrapan; ”Famélico” ten máis de desasiego progresivo; ”Terciopelo” viaxa á Norteamérica rural … e ”Materia gris” redondea a colección casando co estilo “campestre” da apertura ”Buen día”.
Sen acometer un puro exercicio de estilo en cada canción pero si embriagándose dun mundo de influencias, ”Un sol dentro” é un álbum gratamente desconcertante e fresco, que invita a ver o Club del Río ao vivo.
Pepe Cunha, 11-decembo-2017
