nota:
EXPERIMENTA II
Datas: 22, 23 e 24 de xullo de 2021
Lugar: Xardíns do Pazo de San Marcos e Xardíns do Museo Provincial.
Artistas: Homem en Catarse, Amorante, Strange Mystery Flower e Los Sara Fontán.
Entrada gratuita, respectando o aforo (as entradas están dispoñibles e poden reservarse a través do email: info@teleclube.com).
Organiza: Tele-Clube coa colaboración da Deputación de Lugo.
O Ciclo Experimenta naceu o pasado 2019, como un proxecto que xurde da incesante busca de dar outras vidas a agochados espazos da nosa cidade, e transformar o seu uso para outros destinos culturais e sociais para os que foron inicialmente deseñados, distintas artes coa música en directo como motor de movemento.
Con estes bímbios confecciónase o Ciclo Experimenta que Tele-Clube organiza, un ano máis, coa colaboración da Deputación de Lugo.
Neste 2021, os eixos nos que se fundamenta esta nova andaina do Experimenta serán riqueza e diversidade das linguas (este ano en portugués, galego, inglés, euskera e castelán), o audiovisual, a poesía e a mixtura da música folclórica e máis tradicional con propostas totalmente innovadoras e routuristas, que se desenvolverá en dous escearios distintos: os Xardíns da Deputación e os Xardíns do Museo Provincial… facilitando o movemento que provoca cambios na percepción no espectador, como actor principal do espectáculo, coa propia dinámica do cambio de tres espazos exteriores distintos, aínda coas limitacións que nos impón a pandemia, o público participante poderá desfrutar dunha viaxe sensorial sentado na súa cadeira.
PROGRAMACIÓN:
Xoves 22 de xullo – 20:30h. Xardíns do Pazo de San Marcos:
HOMEM EN CATARSE (Braga, Portugal – shoegaze, postrock e Fado)
Venres 23 de xullo – 20:30h. Xardíns do Pazo de San Marcos:
AMORANTE (Elgóibar, Euskadi – artista multiinstrumentista)
Sábado 24 de xullo – 12h. Xardíns do Museo Provincial:
STRANGE MYSTERY FLOWER (Ferrol – espectáculo poético-musical multidisciplinar)
LOS SARA FONTÁN (Calonge, Catalunya – emoción experimental e enerxía polirrítimica)
Saúdos,
