a túa entrada a cambio dun regalo para un neno
18:00 / 20:00
A Cidade da Cultura acolle o xoves 3 de xaneiro de 2013 ás 18:00 horas a iniciativa Cancións por Regalos, unha actividade coa que achegarse á música pop nun formato acústico a cambio de facer feliz a un neno.
Organizado por Ernie Producciones, coa colaboración da Cidade da Cultura e a Asociación Iniciativa Social Berce, o evento contará con Zahara, Andrés López (Niños Mutantes), Pablo Castelo e Rubén Castelo (Maryland), Sleeping Cat, Rafa Arcos (Manos de Topo) e Wild Balbina nun formato íntimo e para todos os públicos. Será na sala diáfana do Edificio CINC.
O prezo da entrada? Un agasallo. Ti decides o que é máis axeitado: dende un xoguete novo ou usado, sempre que estea en boas condicións, ata roupa, libros…
A Asociación Iniciativa Social Berce, que presta especial atención aos nenos en situación de desprotección, encargarase de repartilos entre os que máis o precisen durante estas datas. Desta forma, ti levarás para casa unhas cantas cancións para o recordo e algún pequeno terá unha sorpresa o Día de Reis.
