atleta “catedrales”

Febreiro 06, 2011

AtletA é o novo proxecto de dous membros daquela interesantísima formación instrumental chamada 12Twelve: Jaume L. Pantaleón e José Roselló. Este seu primeiro longa duración conserva unha parte clara da identidade da súa anterior banda, ese rock instrumental cun certo arume ambiental e minimalista. Ao longo dos máis de 35 minutos de duración poderían acaerlles cualificativos coma experimental, alternativo, indie, post-rock, ambient … Mais sempre merecerían a consideración dunha proposta uniforme e coherente que soa actual polos seus experimentos sonoros malia non perder a calidez dunha proposta máis clásica. Talvez máis electrónicos e menos jazz que os 12Twelve, acompañan unha sinxela base rock (lembrando por exemplo ás veces o rock progresivo ou o kraut rock) con sintetizadores e loops como parte máis moderna ou experimental. Debuxan paisaxes misteriosos, hipnóticos deses polos que presta deixarse levar, Como é habitual nas edicións de Aloud Music, podes escoitalo de balde e probar por ti mesm@ en aloudmusic.com/catedralesrd. O MySpace da banda é myspace.com/atletabcn e o álbum xa está en Spotify. Todo ao servizo da curiosidade e a disposición desprexuizada do ouvinte, pois non podemos esquecer que as propostas instrumentais seguen a ser unha rara avis no panorama actual. Pepe Cunha 6-febreiro-11

AXENDA