Alfredo García Quartet|Jazz
Quique Alvarado: baixo; Bruno Couceiro: batería; Jose García: saxo; Alfredo García: guitarra.
Banda recentemente galardoada co primeiro premio do Concurso de Maquetas Jazz Fussion da Fundación Paideia e Fnac España. Alfredo García ten no presente unha miscelánea pouco convencional de influencias clásicas e modernas que abarcan desde Bill Evans ata John Scofield pasando por Jim Hall e Pat Metheny. Unha visión esclarecedora que soubo pulsar tódolos resortes da música moderna desde os anos cincuenta e deu como resultado un estilo paradoxalmente directo e atmosférico no que o groove non está rifado co intimismo máis exacerbado e no que as boas melodías se converten en idóneas plataformas para a improvisación… Agora, cun considerable número de concertos ás súas costas, a formación gravou hai poucos meses o seu primeiro traballo discográfico, Riding Into a New Path.
