GUADI GALEGO
GUILLERME FERNÁNDEZ
XABIER DÍAZ
XOSÉ LOIS ROMERO
presentan o disco “aCadaCanto”
Vivimos nunha terra inzada de encrucilladas, cuadrivios ou “catrocamiños”, eses puntos de incerteza e de casualidade (ás veces, as cancións tamén transitan esas dúbidas antes de mutar á forma na que as coñecemos), máis é tamén verdade que hai encontros inevitables, como os das augas dos regatos que se confunden nos ríos ao chegar á baixa dos vales.
Somos urdime dun cesto que garda músicas compartidas dende hai tempo. Guille e Guadi, Xabier e Xosé Lois; Guille e Xosé Lois; Guadi e Xabier. Foron tantas as partillas que decidimos ordenar esta nosa multiplicidade e converter esas duplas e triplas encarnacións en cuarteto, a forma tradicional. Os Beatels, Os Gaiteiros de Soutelo…
Guillerme Fernández, Guadi Galego, Xabier Díaz e Xosé Lois Romero ou como os viaxeiros ás veces tropezan na encrucillada. Iso si, recoñecendo que saímos en tempo e velocidade axeitados para nos accidentar neste encontro. Imos sentar e facer unhas cancións antes de continuar camino!
Guadi Galego – música, cantante e compositora
