Abe Rábade Trío “Once”

Febreiro 15, 2017

presentación de ONCE polo Abe Rábade Trío

Abe Rábade, piano
Pablo Martín Caminero, contrabaixo
Bruno Pedroso, batería

“Once” é o novo traballo do pianista Abe Rábade, editado por Nuba+Karonte. Gravado en formato trío xunto a Pablo Martín no contrabaixo e Bruno Pedroso á batería, o álbum destila variedade estilística e viaxa nun triángulo formado polo expresivo, o íntimo e o espontáneo.

Algunhas pezas do repertorio teñen un carácter experimental (Gotas, por exemplo é unha transcrición literal de gotas de auga). Outros materiais teñen unha abordaxe rítmica no seu senso máis matemático (como o cruce entre valores rítmicos atípicos da peza 11 contra 7), ou unha abordaxe rítmica na súa dimensión máis tribal ou “groovy” (A Bruxa -arranxo dunha peza de Milladoiro, Tule, Con Alma e Cuarzo Branco ilustran isto). Destaca no traballo unha fonda homenaxe a Paco de Lucía, coa composición orixinal 11 para Paco e unha clara influencia flamenca co concurso de Pablo Martín. Por último, completan a escolla pezas de pura inspiración harmónica e melódica como os standards Once in a While ou Smoke gets in your eyes.

A formación actual do Abe Rábade Trío mantense desde 2008, tendo realizado numerosas gravacións e concertos en países como Alemaña, Brasil, México, Costa Rica, El Salvador, Chile, Guatemala ou Portugal.

Facebook

2 days ago

Ábrete de orellas
Hoxe é o Día Internacional das persoas con discapacidade e por iso recuperamos esta canción, na que Seso Durán adaptou un conto sobre o seu fillo Manuel escrito por María José Ferrada. "O traballo pon o acento na diversidade funcional, en que sempre hai máis do que se ve a simple vista e un pequeno misterio en cada cousa."Inquedanzas Sonoras ... See MoreSee Less
Ver en Facebook