portada
       concertos
       novas
       discos
       crónicas
       artistas do país
       webs amigas

          actualizacións
17/03/2019
o novo Budiño cumpriu na Sala Capitol, 15-marzo-2019
12/03/2019
Vudú "Vol. III"
11/03/2019
Óscar Quant presenta o seu libro "Bailando sobre el parqué"
25/02/2019
The Last Internationale "Soul on Fire"
20/02/2019
Ciclocéano “Líneas de meta”
19/02/2019
CUAC FM. Continua a disputa legal: A Xunta de Galicia presenta recurso de Casación ante o Tribunal Supremo
reedición 50º aniversario do álbum "The Kinks Are the Village Green Preservation Society"


Hoxe 26 de outubro ten lugar o lanzamento en múltiples formatos ( Super Deluxe Box Set # 1CD # 2CD Deluxe # LP # MFIT & HD ) do álbum de The Kinks “Are the Village Green Preservation Society”, un dos mellores álbums británicos de Rock de todos os tempos.

A pasada semana The Kinks recolleron o premio ao “Mellor Álbum Clásico” por un disco que mudou o rumbo do Rock e o Pop Británico, concedido pola prestixiosa revista Británica QMagazine. Despois de 22 años volveuse ver xuntos os tres compoñentes vivos de The Kinks: Ray Davies, Dave Davies e Mick Avory.

Este álbum é salientábel polo extraordinario catálogo de cancións do seu vocalista Ray Davies, impulsado pola guitarra power pop/rock do seu irmán Dave Davies, que chegou a se converter na base de guitarra do pop británico durante varias xeracións. "The Kinks Are The Village Green Preservation Society" consolidou a reputación de Ray Davies coma un dos mellores compositores británicos da súa xeración e de todos os tempos.

"Coido que The Village Green Preservation Society é o final dunha etapa na miña vida", di Ray. "No meu mundo imaxinario é a fin da inocencia, da xuventude. Algúns personaxes que aparecen son bastante vellos, pero no Village Green non está permitido crecer. Sinto que o proxecto en si mesmo forma parte dun ciclo na vida".

Creado en circunstancias difíciles, pois The Kinks chegaron estar ao borde da separación. O grupo negábase a seguir as modas musicais do momento e entregou un disco atemporal, de cancións perfectas que falan de como crecer e envellecer envellecer, ou o declive da cultura tradicional británica. Moit@s cualifican este álbum coma “duradeiro e insuperable”, pola súa orixinalidade, enxeño, delicados tempos, ira silenciosa, encanto, arrepentimento ...

Este foi o contido do LP orixinal en 1968:

Cara A
1. The Village Green Preservation Society
2. Do You Remember Walter?
3. Picture Book
4. Johnny Thunder
5. Last Of The Steam-Powered Trains
6. Big Sky
7. Sitting By The Riverside

Cara B
1. Animal Farm
2. Village Green
3. Starstruck
4. Phenomenal Cat
5. All Of My Friends Were There
6. Wicked Annabella
7. Monica
8. People Take Pictures Of Each Other

A edición Deluxe inclúe extensas entrevistas, fotografías e contidos especialmente creados para distribución online e para prensa co fin de "contar a historia" da produción, o lanzamento e o impacto cultural do álbum.

Na seguinte ligazón podes escoitar o tema inédito "Time Song", outra desas alfaias que foron quedando en caixóns ou caras B de singles ao longo da traxectoria de The Kinks, unha das bandas imprescindíbeis do pop-rock británico.



Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo