portada
       concertos
       novas
       discos
       crónicas
       artistas do país
       webs amigas

          actualizacións
23/12/2018
Ilegales no Auditorio de Ferrol, 22-decembro-2018
17/12/2018
WOS Festival x SON Estrella Galicia, entre os 10 finalistas a mellor festival indoor de Europa por segundo ano consecutivo
04/12/2018
O sector musical será feminista ou non será. Durante dous días a cidade da Coruña acollerá unha xornada sobre a situación actual na industria musical
29/11/2018
nace A Coruña Respira Música, a semana adicada ás Músicas ao Vivo
29/11/2018
Ezetaerre "Pólvora e tormenta"
28/11/2018
Espiño ó festival SUNS Europe (Italia).
"As cantigas de Elena" Pipo Alvariño, María Vidal, Myriam González


Das moitas melodías que lembraba e cantaba Elena Alonso Pino, “Elena de Toutón”, o seu neto Pipo Alvariño quería facer unha recompilación para que non caesen no esquecemento. O traballo debía reflectir como eran as veladas musicais coa súa avoa: voz, guitarra e acordeón. Así, el encárgase da guitarra e elixe ben as compañeiras: voz e pandeireta de María Vidal e acordeón de Myriam González.

Ao tempo, e para darlle o brillo axeitado á gravación, confía no saber técnico do seu irmán Caco Refojo nos estudios PKO e un par de colaboracións “extra”: a gaita de Pepe Vaamonde na instrumental “Xota para Elena de Toutón” e a voz de Francisco J. Feijoo “Xisco” en “As conchiñas”, todo un acerto para abrir o disco.

O traballo con estes ingredientes xustos e coidados dá coma resultado un deses discos que si acadan a esencia no que quere transmitir: un xeito de cantar e a calor da tradición. Obviamente, unha grande parte do éxito radica na interpretación de María Vidal, pero o acompañamento da guitarra e o acordeón é xusto e impecábel. Ademais, inclúe os agasallos ou “bólas extra” de seis gravacións da propia Elena de Toutón, que estes días faría os 90 anos. Emocionante.

Pepe Cunha, 4-xullo-2018



Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo