portada
       concertos
       novas
       discos
       crónicas
       artistas do país
       webs amigas

          actualizacións
07/08/2018
Marem Ladson "Marem Ladson"
02/08/2018
O Casa SonRías combina música, gastronomía e audiovisual o sábado 4 de agosto en Bueu
02/08/2018
Uxía e Rodrigo Romaní encabezan a delegación galega dun Interceltique que en 2019 pode ter sabor galego
31/07/2018
festival Sinsal de San Simón, crónica do venres 27 e sábado 28 de xullo de 2018.
30/07/2018
O Feito a Man regresa do 1 ao 26 de agosto cunha 15ª edición con case 70 espectáculos
13/07/2018
hoxe comeza a 34º Mostra de Teatro Internacional de Ribadavia, con Pippo Delbono, Blind Summit Theatre, Laila Rippol, Marianella Moreno, A Panadaría ...
Magín Blanco "Camiños"


Magín non ten o que chaman “voz bonita ou dotada” nin canta cousas edulcoradas ou compracentes. El escrebe cancións que procuran estimular e enriquecer o público infantil e xuvenil e xa supera ben un lustro. Segue a cantar con naturalidade e desta vez ofrece unha variedade musical que serve como achegamento excelente ao mundo POP, así en grande e en xeral: rapea, baila pop dos 60, soul ou electrónica, non esquece a canción pop-folque, exerce de crooner coa Gallaecia Big-Band ... e ademais viste as cancións coa axuda de coros infantís e músicos fantástic@s: Guille Fernández, Javier Álvarez, Serginho Sales ... e Segundo Grandío axudando a lustrar na produción musical.

Xa nos ten entregado en discos anteriores un feixe de cancións de divertidas a emocionantes, pero probablemente este sexa o seu mellor traballo, así en conxunto. Ademais duns temas propios tan atinados como “Marcho que teño que marchar”, “Peixiños do mar”, “O amigo invisible”, “Meu avó ieié” ... engade unha marabilla de Héctor Lorenzo sobre texto de Valle-Inclán (“Paxariño novo”) e un instrumental precioso interpretado por Alberto Vilas e Isaac Palacín. De sinalarmos unha pega sería unha duración ás veces excesiva se pensamos na atención d@s máis pequen@s: só un corte baixa dos 4 minutos. Xa se verá.

Sen dúbida, as cancións son o núcleo, o máis importante, e non fallan, pero tamén cómpre animar desde o formato físico e ofrecer un produto completo. Unhas ilustracións fermosas de Leandro Lamas -esta vez en acuarela- volven cumprir máis que ben o cometido e ademais na parte de lectura “Camiños” tamén mellora o que nos ten entregado. “A nena e o grilo” e ”A nena e o grilo nun barquiño” xa contiñan prosa propia, pero agora as achegas en forma de contos e poemas veñen de verdadeir@s expert@s: Carlos Meixide, Víctor F. Freixanes, Ledicia Costas, Francisco Castro, Paula Carballeira, Anxos Sumai, Marta Somoza, María Lado, Antonio García Teijeiro e Eva Mejuto.

Unha preciosidade editada por Fol Música.

Pepe Cunha, 27-decembro-2017




Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo