portada
       concertos
       novas
       discos
       crónicas
       artistas do país
       webs amigas

          actualizacións
04/12/2018
O sector musical será feminista ou non será. Durante dous días a cidade da Coruña acollerá unha xornada sobre a situación actual na industria musical
29/11/2018
nace A Coruña Respira Música, a semana adicada ás Músicas ao Vivo
29/11/2018
Ezetaerre "Pólvora e tormenta"
28/11/2018
Espiño ó festival SUNS Europe (Italia).
21/11/2018
Sumrrá "Seis mulleres"
16/11/2018
María Arnal i Marcel Bagés no Teatro Colón, 15-novembro-2018
A Orquestra Sinfónica Vigo 430 presentará mañá no Concerto de Nadal a produción máis ambiciosa da súa traxectoria


nota:

A Orquestra Sinfónica Vigo 430 presentará mañá ao público vigués a produción máis ambiciosa de toda a súa traxectoria: a Sinfonía n. º 9 op.125 de Ludwig Van Beethoven,
Trátase dunha das obras máis icónicas, trascendentais e populares da historia da música e da arte en xeral. Grazas en grande parte ao seu sorprendentemente inusual último movemento —que musicaliza o poema de Friedrich Schiller Oda á alegría— esta obra converteuse nun símbolo da liberdade e nun chamamento á irmandade entre os seres humanos, quizais a manifestación máis grande e emotiva de amor á humanidade xamais creada. De feito, a partitura orixinal da sinfonía está inscrita no Rexistro da Memoria do Mundo da UNESCO, onde forma parte, xunto con outros sobresaíntes monumentos, da herdanza espiritual da humanidade.

Toda a grandeza e excepcionalidade que rodea esta obra fai que cada vez que se interpreta sexa un auténtico acontecemento, e así o será mañá, a partir das 20:30 horas no Auditorio Mar de Vigo, con máis de 150 músicos sobre o escenario (entre orquestra, coro e solistas) dirixidos polo titular da orquestra viguesa, Vicent Alberola.

Xunto á orquestra destaca a intervención do coro tamén vigués Gli Appassionati, dirixido pola mezzosoprano Nuria Lorenzo que tamén formará parte do elenco de solistas — de auténtico luxo—composto ademais pola soprano Soledad Cardoso, o tenor Javier Agulló e o barítono Luís Cansino.
As entradas están á venda na web de Ticketea e na tenda Discos Elepé en formato físico.



Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo