portada
       concertos
       novas
       discos
       crónicas
       artistas do país
       webs amigas

          actualizacións
10/09/2020
concerto de A Pedreira no Val de Lourenzá.
25/08/2020
a gran festa do jazz coa maior jam session da historia este domingo en Lugo
20/08/2020
Primeiros nomes do "Revenidas‌ en conserva": Sés, Zeltia Irevire, Ortiga e Dakidarría
12/08/2020
Luar na Lubre "Vieiras e Vieiros: Historias De Peregrinos"
05/08/2020
nace o festival Sons da Canteira, que terá lugar o próximo 29 de agosto na Canteira de Vilafría (Porriño).
04/08/2020
o IV festival Jazz de Ría programará tres noites de jazz galego no Cantón de Molíns
The Boo Devils "The Noble Art of Rock n"Roll"


Un combinado de rock and roll, rockabilly, psychobilly, country & western mollado por un chorro de actitude punk. Así poderiamos resumir a proposta desta banda madrileña que semella pegar o estirón co terceiro álbum. Comezaron no 2010, editaron xa dous álbumes ( "Act one" no 2012 e "Mala suerte" no 2014 ) e para o que nos ocupa contaron coa produción de Fernando Pardo (Sex Museum, Los Coronas, Corizonas ) e José María Rosillo coma enxeñeiro de son.

O quinteto ( Al Navarro, voz, guitarra, percusión; Joe Gabardo, guitarras, harmónica, coros; Diego The Kid, guitarras, cigar-box, banjo, lap steel; Magic Manoo, contrabaixo, coros, e Viki Larookie, na batería ) abre o disco coas composicións máis breves ou directas, para bailar falando de diversión, de beber de máis, bailar o venres pola noite: "Too Much Booze", "You Know, They Know" e "Friday Night". Pero á cuarta xa descubrimos a outra vertiente, a que nos leva a velocidade media por camiños cheos de pó, historias algo máis truculentas e máis matices instrumentais: "Dead Man Talking", "Old Skulls", "Hotspur", "Monster", "Love in Vain", favorita dun servidor canda a que pecha a ducia de cortes: "All the Pretty Things". Para facer do disco algo máis lucido contan con colaboracións punctuais aos coros, os teclados (Sergio Valdehita), os ventos (David Pardo, Sam Black e Kiko Moreno) e a voz de Virginia Maestro en "I Won"t Marry You".

"The Noble Art of Rock n"Roll" é un repaso feito con gusto e de manual polos diferentes estilos cos que a banda se identifica musicalmente e que defenden ao vivo con seguridade. Poucas sorpresas pero si unha dose axeitada de diversión e entretemento. "Always Looking to Memphis !".

Pepe Cunha, 28-novembro-2017



Escoitar Abrete de Orellas nas ondas
vitaminasparaogalego
Gaudi Galego - Pepe Cunha - Edicions Embora
musicosaovivo