portada
       concertos
       novas
       discos
       crónicas
       artistas do país
       webs amigas

          actualizacións
13/12/2017
María Fumaça “As que máis molan”
11/12/2017
Club del río "Un sol dentro"
05/12/2017
Uxía-O
01/12/2017
Davide Salvado, Guadi Galego e Sumrrá participan no M.A.R. (Movimento Artístico em Rede) o 8 de decembro en Póvoa de Varzim, Portugal.
01/12/2017
José Ignacio Lapido "El alma dormida"
28/11/2017
The Boo Devils "The Noble Art of Rock n"Roll"
As bandas neoiorquinas Luna e The Pains of Being Pure at Heart, na nova tempada do ciclo Sons de Ferrol. 6 e 13 outubro no Teatro Jofre


nota:

LUNA
O seu album “Penthouse” (1995) está considerado pola revista Rolling Stone como un disco esencial dos noventa. Si, Luna están de volta, e chegan a Galicia en outubro dentro do ciclo Sons de Ferrol. De Rosebuds a Broken Social Scene, de Beachwood Sparks a Black Rebel Motorcycle Club, a sombra de Luna é moi alongada. A banda neoiorquina, coa mesma formación que tivo entre 1999 e 2005 : Dean Wareham, Britta Phillips, Lee Wall e Sean Eden, no Teatro Jofre de Ferrol o 6 de outubro. E sete días máis tarde, o 13, tamén desde Nova York, The Pains of Being Pure at Heart desembarcan no Jofre co seu último disco “The Echo of Pleasure”. As entradas, á venda en ataquilla.com. Os concertos, dentro do ciclo Sons de Ferrol, están promovidos por i-radia Crea co apoio do concello de Ferrol.

En 2015 anunciaron o retorno. Luna, a banda responsable de cancións tan deliciosas dos noventa como “Dear Diary”, formada en 1991 polo guitarrista Dean Wareham tras a ruptura de Galaxie 500, volvía aos escenarios tras dez anos de parón e unha chea de éxitos tras de si. En 1993 Luna teloneou a xira europea de The Velvet Underground (que volvían ao escenario tras 25 anos) e posteriormente edita o disco “Bewitched” (1994), no que participa o guitarrista da Velvet, Sterling Morrison. No seu terceiro disco, “Penthouse” (1995), colaboran o mítico guitarra de Television, Tom Verlaine, e a cantante de Stereolab, Laetitia Sadier. No ranking da revista Rolling Stone dos mellores albums dos noventa, este album atópase entre os cen destacados da década.

Na xira de abril e maio de 2015 comprobouse que o libro de Luna segue sendo o mesmo: o que empezou a escribir Wareham tras a disolución da súa anterior banda, Galaxie 500, e co que se dedicou, a través de sete discos de estudio e un en directo -entre 1992 e 2005-, a levar a terreos con máis pulsacións e máis afilados as cancións elípticas e envolventes da súa citada banda previa, esas nas que Wareham aportaba unha voz de tenor planeadora e texturas de guitarra a lume lento.

O concerto de Luna en Ferrol estará precedido polo valenciano Ramirez Exposure, unha das revelacións da música peninsular dos últimos anos. En 2016 abriu para o holandés Jacco Gardner, edita o seu album “Young is the new old” con colaboracións de Ken Stringfellow, Brian Young (The Jesus And Mary Chain, Fountains Of Wayne) e Richard Lloyd (Television), forma a banda española de Marc Jonson e é un dos grandes triunfadores no Festival de Benicasim.


The Pains of Being Pure at Heart

Unha das alegrías musicais deste 2017 foi o anuncio de novo disco e xira da banda de Brooklyn The Pains of Being Pure at Heart. “The Echo of Pleasure” é o cuarto disco dun grupo que, hai oito anos cun EP e unha intensa xira, convertéronse na banda máis comentada do pop underground guitarreiro de ambas beiras do Atlántico. O disco homónimo de debut foi un dos bombazos da tempada, co seu achegamento ás primeiras encarnacións de My Bloody Valentine e aos grupos de Sarah Records. O seu segundo disco “Belong” saiu en 2011 con produción de Flood (U2, Björk) e mesturas de Alan Moulder (My Bloody Valentine, Killers, Smashing Pumpkins), non para virar cara o rock de estadios, senón para para lucir un envoltorio máis sólido que lles permitiu crear unha versión actualizada de sí mismos.

En 2014 publican “Days Of Abandon”, reforzando se cabe máis o liderado do cantante e guitarrista Kip Berman, e tres anos máis tarde “The Echo of Pleasure”. O 13 de outubro no Teatro Jofre de Ferrol, Berman estará acompañado no escenario de Christoph Hochheim (guitarra; Ablebody, ex Depreciation Guild), Chris Shackerman (batería; ex Mercury Girls, ex Literature) e Jess Rojas (teclados e voces). Din que con “The Echo of Pleasure”, os Pains deixan atrás a inseguridade xuvenil, que non á alegría, camiñando por sendeiros máis profundos e atemporais.

LUNA + RAMÍREZ EXPOSURE.
venres 6 de outubro . Teatro Jofre, Ferrol.
apertura de portas: 20:30 H.
Entrada anticipada 14 €. Na billeteira17 €

THE PAINS OF BEING PURE AT HEART.
venres 13 de outubro . Teatro Jofre, Ferrol.
apertura de portas: 20:30 H.
Entrada anticipada 12 €. Na billeteira15 €

Puntos de venda: ATAQUILLA.COM / JOFRE






Escoitar Abrete de Orellas nas ondas
vitaminasparaogalego
folmusica
musicosaovivo
Manifiesto la cultura no es un lujo
apoio o Ateneo